பிரிவினை வாதிகள் என
யாரும் பிறக்கவில்லை
கொடுமையால்
புயலான
தென்றலிவர்கள்
நியாயம் என்ற
வரம் பெறும்வரை
ஓயாத
அக்னிமழை இவர்கள்!
Saturday, February 9, 2008
பிரிவினை வாதிகள்
நிவாரணம்
இயற்கை
பூகம்பங்களாலும்
பேரழிவுகளாலும்
சில மனிதர்களை
நிர்வாணிகளாக்கினாலும்
பல
நிவாரணப் பணியாளர்களால்
நிர்வாணம் மறைக்கப்படுகிறது
இழந்தவர்களை நினைத்து
நிம்மதியாய் அழுதிட!
இருளும் ஒளியும்
இதற்குமேல்
தோற்க மனமில்லை
இருளை அகற்ற - இனி
முயற்சிக்க மாட்டேன்
வெற்றி பெற
ஒரே ஒரு வழியை
புரிந்து கொண்டேன்
இனி
வெளிச்சத்தை
வர வைத்து
வரவேற்பேன்!
ஒன்றில் ஒன்று
ஜீவாத்மா
பரமாத்மா
பரிசுத்த ஆவியானவர்
பரிசுத்த ஆவி
மனிதன் மனிதன்
மனிதம் மனிதம்
இதுவே
தெய்வீகம்!
காதலுக்கு மரியாதை
காதலுக்கு மரியாதையை
பயந்து போய் கொடுத்து
விடத்தான்
கல்லூரியில்
காதலின் தோல்விக் கதைகளை
அப்படி போதித்தார்களோ?
இதயங்களில்
காதலின் கருப்புப் பதாகை
எல்லோரிலும்
மௌனமாய் அழுதுகொண்டிருப்பது
உண்மை தான்
ஆனால்
காதலுக்கு ஒரு போதும்
தோல்வியில்லை - அதன்
வெற்றிக்குத் தான் மரியாதை!
விளக்கு
பட்டினியால் நடக்கும்
வேசித்தனத்திற்கு
சிவப்பு விளக்கா?
மாடிவீட்டு கொழுப்பிற்கு
என்ன விளக்கு?
ஆண் ஆணுக்கு போதுமென்றும்
பெண் பெண்ணுக்கு போதுமென்றும்
வாழ்ந்து
போதித்து
சமுதாயத்தின் சிந்தனையில்
தங்களின்
சாக்கடை சிந்தனைகளை ஊற்றும்
மிருகத்தன வக்கிர முட்டாள்களுக்கு
என்ன விளக்கு!
பீனிக்ஸ்
வார்த்தைகளின் அம்புகளால்
உடைந்தயென் இதயத்தின் துகல்கள்
இரத்தவெள்ளத்தில்
பயணம் செய்துகொண்டிருக்கிறது!
மருந்து கண்டுபிடிக்கப்பட்ட
நோய்களில் அதிகமும்
ஒவ்வொன்றாய்
எனை தாக்க மகிழ்ச்சியுடன்
காத்திருக்கிறது!
இறந்து கொண்டே இருக்கின்ற நான்
இன்னமும் வாழ்ந்துகொண்டிருக்கிறேன்!
உண்மை தான்!
பீனிக்ஸ் எனது சீடன் தான்!
Friday, February 8, 2008
அக்டோபர் 2
இந்தியாவின் அடிமைச்சங்கிலியை
மனதிற்கொண்டு
அகிம்சை
அவதரித்த திருநாள்!
தனக்கென்று வாழாமல் - தன்
கொள்கைக்காய்
உயிரையும் கொடுக்க மலர்ந்த
திருமகனை
பூமித்தாயும்
காத்திருந்து முத்தமிட்ட
பொன்னாள்!
Subscribe to:
Posts (Atom)
