வானத்துக் குழுமம்

வானத்துக் குழுமத்தின் மௌனம்
சில கிளிகளின் பாடல்களால்
சமாதானப்படுகிறது!

வானத்தை நேசிப்பவர்களால்
வானத்தை அடைக்கத் தடை
பலன்பெற்று சேவைசெய்தலை
சௌகரியமாய் மறந்தபின்னும்!

சுயமோகத்திற்குள் புதைந்து
விலாசமில்லா மோகத்தால்
தன்னை வாசிக்க வரும்
நட்சத்திரங்களின் எழுத்தைக்காண
வானத்தின் ஏக்கமேனோ
மௌனத்தில் கரைகிறது!

இதுவும் கடந்து போகட்டும்
முன்கண்ட வெற்றி
மீண்டும் தொடர்வது நிச்சயமென்ற
மனநிலையில் வானத்தின் பார்வை!

அதோ அங்கே மேகமூட்டத்தை
கவலையின் தென்றலொன்று முத்தமிட்டு
ரகசியமாய
அழுது கொண்டிருக்கிறதே!

வானமென்றும் வானம் தான்
புகைப்படங்களைக் கண்டு
சிரித்துக்கொண்டிருக்கும்
நிஜமான வானம்!