வாழ்க்கை!

எனக்காக அழுதவனின் கண்களில்

ஆனந்தக் கண்ணீரைக் காண என் வியர்வைத்துளிகள்!

என் கண்களில் கண்ணீரைக் கண்டு மகிழ்ந்த

கனிவற்ற மனிதர்களுக்கு எந்தன் மன்னிப்பு!

சுயவிலாசமற்ற அனாதைகள்

எல்லோருக்கும் நானே மூத்த சகோதரன்!

இனி எதற்கு வாழ்க்கையென்ற முடிவிற்கு வருவோர்

மறுவாழ்வுபெற சகோதர பாசத்துடன் என் வாழ்க்கை!

நான் வாழ வேண்டும்; நீண்ட ஆயுள் எனக்கு வேண்டும்

ஏழைகளின் முகத்தில் புன்னகைக் கண்டு மகிழ!

இது போன்ற அறிக்கைகளையும் ஆசைகளையும்

பிரார்த்த்னைகளாய் கேட்டு மகிழ காத்திருக்கிறார் இறைவன்!